Li bajarê Amedê Deklarasyona di derbarê Newrozê de hat eşkerakirin. Îşaret bi vê rojê hat kirin ku di Newrozê de, wê berpirsiyariya berfirehkirina têkoşîna azadiyê di Pêvajoya Aştî û Civaka Demokratîk de bihêztir be.
'Newroz hişmendiyeke siyasî ye'
Kurdiya deklarasyonê ji aliyê Tevgera Jinên Azad (TJA) Fatma Ablay hat xwend û ji bo Newroza 2026’an de wiha hate gotin:
"Newroz hişmendiyeke siyasî ye ku berxwedana berhevkirî ya paşerojê bi têkoşîna niha re dike yek û îradeya avakirina jiyaneke azad ji bo pêşerojê xurt dike."
'Naveroka raporê dûrî pêdiviyên Kurdan bû'
Li ser mijara rapora komisiyonê ya dawî ku hatibû weşandin ji hat sekinandin û wiha hat gotin:
"Rapor ji aliyê naveroka xwe ve ji hêviyên gelê Kurd, kes û komên bindest û raya giştî ya demokratîk re nebûye bersiv û her wiha dûrî pêdiviyên herî kêm yên ji bo çareseriyê maye."
'Azadiya birêz Ocalan pêdivîyeke dîrokî û siyasî ye'
Di berdewamiya xwendinê de hat gotin ku misogerkirina azadiya fîzîkî û şert û mercên xebata azad a Rêberê PKK'ê Abdulah Ocalan şert e û wiha berdewam kir:
"Di vê Newrozê de, em ê berpirsiyariya berfirehkirina têkoşîna azadiyê di Pêvajoya Aştî û Civaka Demokratîk de bihêztir bigirin ser xwe."
'Jin pêşengên vê tevgerê ne'
Di deklarasyonê de îşaret bi felsefeya jinan hat kirin û wiha hat bîrxistin:
"Jin di pêşengiya vê tevgerê de ne. Têkoşîn, ku li dijî serdestiya mêr, polîtîkayên şer û pergala dijminê jinan radibe, hêza avakirin û damezrandina civakeke demokratîk xurt dike."
'Ciwanên azad îradeyeke dîrokî ne'
Di berdewamiya daxuyaniyê de bal kişand li ser ciwanên azad û wiha bi dawî kir:
"Ciwanên azad îradeyek dîrokî ya têkoşînê cihê xwe li ser dikê xurt dikin. Wekî hêza dînamîk di têkoşîna li dijî înkar, asîmîlasyon û polîtîkayên bênasnamekirinê de ne."
Di dawiyê de hat gotin ku newroza 2026’an di pêvajoyeke dîrokî de tê pîrozkirin.
