Di sala 1962'yan de ji aliyê Rejîma Baas`ê ve, serjimariyek li parêzgeha Hesekê hatibû destpêkirin.
Di wê serjimariyê de, derdora 120 hezar Kurd bê nasname û ji mafê hemwelatîbûnê bêpar man.
Di encama vê serjimariyê de, beşek ji Kurdan bûn hemwelatî, beşek biyanî û beşek jî Mektûm man.
Kurdên ku man Mektûm ji mafê hemwelatîbûmê, derketina ji bajêr û xwendinê bêpar man.
Di der barê mijarê de, Hemrîn Izo Emîn ku bi xwe Mektûm e û xwediya 5 zarokan e.
Hemrîn Izo Emîn ji Nûçe Tv re got ku 5 zarokê wê ji ber bênasnamebûnê ji mafê xwendinê û hemwelatîbûnê bêpar mane, hêvî kir ku nasnameyên wan werin çêkirin.
Her wiha Erona Elawî jî jineke Kurd e, nasnameya wê tune ye, hêvî kir ku nasnameya wê çêbibe û biçe Hecê û serdana Kabê bike.
Wezareta Hundirîn a Hikûmeta Veguhêz a Sûriyê ragihand ku, li gorî fermana qanûnî ya hejmar 13 a ku di sala 2026'an de hatiye derxistin, ew ê ji 6ˊê nîsanê ve dest bi qeydkirina navên Kurdên Rojava yên ku nasnameyên wan tune ne ango Mektûm in, bike.
Li gorî daxuyaniyê, wê li 9 navendan li bajarên Hesekê, Dirbêsiyê, Qamişlo, Çilaxa, Dêrik, Heleb, Dêrazorê, Reqa û Şamê nav werin qeydkirin.
