Konfederasyona Futbolê ya Afrîkayê (CAF) biryara xwe ya derbarê fînala Kûpaya Neteweyên Afrîkayê ya 2025'an de eşkere kir.
CAF ragihand ku Senegal ji ber bûyera derketina ji qadê di dema maçê de bi windakirinê têk çûye.
Bi vê biryarê, Fas bi fermî wekî şampiyonê tûrnûvayê hate naskirin.
Di nirxandina ku ji hêla Komîteya Temyîzê ya CAF ve hatî kirin, hat diyarkirin ku derketina taximê Senegalê ya li hemberî biryara hakem li dijî rêziknameya tûrnûvayê ye.
Komîteyê biryar da ku ev binpêkirina dîsîplînê ye û biryar da ku maç bi encameke 3-0 ji bo Fasê were dayîn.
Gola taximê Senegalê Pape Gueye di deqîqeya 94'emîn de anîbû
Federasyona Futbolê ya Senegalê (FSF) bendên têkildar ên Rêziknameya Kûpaya Neteweyên Afrîkayê binpê kiriye.
Li gorî vê yekê, hem encama maçê ji bo Fasê hate guhertin û hem jî kupa ji Fasê re hate dayîn.
Ev biryara CAF bû yek ji biryarên herî nîqaşkirî di dîroka tûrnûvayê de.
Di fînala Kûpaya Neteweyên Afrîkayê de, Senegal bi Fasê re hat beramberî hev.
Dema ku maç 0-0 bû, Senegal biryar da ku ji qadê derkeve, piştî penaltî ku di deqeya 90+8'emîn de ji bo Fasê hat dayîn.
Piştî 10 deqîqeyan, taximê Senegalê vegeriya qadê û lîstik berdewam kir.
Piştî ku Senegal vegeriya qadê, Brahîm Diaz ê Fasê nekarî penaltiya ku di deqeya 90+24'emîn de girtibû veguherîne û maç derbasî dema zêde bû.
Senegal bû şampiyonê Kûpaya Neteweyên Afrîkayê ya 2025'an bi gola ku Pape Gueye di deqîqeya 94'emîn de tomar kir.
