Berdevka Koşka Spî Caroline Levitt di der barê danûstandinên di navbera Amerîka û Îranê de, daxuyaniyek da.
Caroline Levitt eşkere kir ku tiştên ku di civînên giştî de tên gotin ji yên ku di civînên taybet de tên gotin, cuda ne û wiha got:
“Tevî hemû helwestên ku hûn ji Dewleta Îranê dibihîzin, danûstandin berdewam in û baş pêşve diçin.”
Berdevka Koşka Spî da xuyakirin ku eger Îran derfeta gihîştina rêkeftinekê red bike, encamên leşkerî ji bo rejîma Îranê dê giran bin û wiha da xuyakirin:
“Hîn jî derfeteke rastîn heye ku Dewleta Îranê bigihêje rêkeftineke baş û bi awayekî mayînde dev ji armancên xwe yên navokî berde”.
Beriya vê yekê jî, Berdevkê Wezareta Derve ya Îranê Îsmaîl Beqayî gotibû ku, tu danûstandinên rasreraset di navbera Amerîka û Îranê de pêk nehatine.
