Piştî 8 salên koçberiya ji ber êrişên dagirkirinê yên dewleta Tirk û çeteyên wê, êdî gelê Efrînê diçin warên xwe.
Di çarçoveya bicihanîna peymana 29'ê Çileyê ya ku di navbera Hêzên Sûriya Demokratîk û Hikûmeta Demkî ya Sûriyê de pêk hatibû, wê sibê koma duyem a koçberên Efrînê vegerin warê xwe.
Wê sibe 200 malbat ber bi Efrînê ve bi rê kevin
Li gorî agahiyên ku Meclîsa Koçberan a Efrîn û Şehbayê diyar kirine, wê sibê 200 malbatên ji navçeya Raco û navenda Efrînê vegerin Efrînê.
Beriya vê jî di 9`ê adara 2026`an de koma yekemîn ku ji 400 malbatên ji Efrînê pêk tê ji herêma Cizîrê derketin û çûn Efrînê.
Her wiha Hêzên Ewlekariya Hundirîn ragihandibû ku koma yekem a koçberan ji malbatên ku ji navçeyên Şiyê, Cindirês û Mabata yên Efrînê pêk dihat.
