KNK’ê diyar kir ku axaftina bi zimanê serdestan li nava malbatê û nebûna zimanê perwerdeyê metirsiya herî mezin a li ser zimanê Kurdî ye.
Parastin û pêşvebirina zimanê dayikê erka sereke ya her kes û komekê ye.
Ji ber ku dema zimanek neyê parastin û bê paşguhkirin, ew ziman dimire û bi wê re dîrok û çanda wî gelî jî dimire."
KNK tekez kir ku zimanê Kurdî hîn jî di bin xetereya tunebûn û pişaftinê de ye.
Têkildarî rewşa her beşek ji Kurdistanê û derveyî welat di daxuyaniya KNK’ê de ev nirxandin hat kirin:
Li Başûrê Kurdistanê ev heyameke dirêj e, saziyên fermî hene û zimanê kurdî di destûra Iraqê de hatiye nasîn.
Lê pêwîst e hikûmeta Herêma Kurdistanê (Başûr) ji bo rakirina astengiyan, rêxistinkirin û sazûmankirina kanalên ziman û perwerdeyê bixebite.
Rojavayê Kurdistanê îro li hember vê rewşa hestiyar a li Sûriyê û guhertinên wê, ku bi şanazî ve xwedî îradeyeke xurt e, nemaze di mijara parastin û berxwedana neteweyî û ezmûna salên xweseriyê de.
Li kêleka pirsgirêkên siyasî û civakî, divê pirsgirêkên çandî, neteweyî û zimanê Kurdî bibe zimanê fermî yê rêveberî û perwerdeyê li Rojava.
Li her du beşên din ên welêt, ji bilî wê yekê ku zimanê Kurdî di proseya perwerdehiyê de tune ye, zimanê Kurdî bi gelek awayan bi rêya ol, mezheb, rêgez û nijadperistiya sîstem di bin gefa metirsiyên mezin de ye.
PJAK: Parastina ziman, bidestxistina beşek ji azadiyê ye
PJAK’ê di daxuyaniya xwe got: “Di rewşa ku gelê kurd tê re derbas dibe de, parastina ziman û nasnameya neteweyî ya Kurdî beşek girîng a têkoşîna demokratîk û azadiya neteweya me ye."
PJAK’ê Roja Zimanê Dayikê ya Cîhanî li hemû neteweyên bindest, bi taybetî neteweya Kurd pîroz kir û bang kir ku ji bo perwerde û parastina zimanê Kurdî divê her mal û her der bibe dibistanek.
