Rûsyayê bi şev êrişeke pir giran bir ser Kîevê paytexta Ûkraynayê.
Di vê êrişê de zêdetirî 31 mûşekên balîstîk û herî kêm 8 mûşekên hîpersonîk hatin bikaranîn.
Mûşek li çend taxên bajêr ketin û agir bi avahiyên nîştecihbûnê, dikan û embaran ket. Di encamê de 1 kes mir û herî kêm 13 kes birîndar bûn.
derbarê êrîşê de, Rayedarên Ûkraynî hişyarî dan ku sîstema wan a parastina asîmanî ji ber kêmbûna cebilxaneyê nekarîbû pêşiya hemû mûşekan bigire.
Êrîşî Rûsyayê bersivdayîna êrîşên Ûkranyayê
Ev êrişa giran a Rûsyayê wekî bersivdanekê tê dîtin piştî ku Ûkraynayê bi zêdetirî 370 dronan êrişî kûrahiya xaka Rûsyayê kiribû.
Dronên Ûkraynayê li herêmên Moskow û Tambovê li navendên lojîstîk ên pargîdaniya herî mezin a firotina serhêl a Rûsyayê dan.
Kîev îdîa dike ku ev der ji bo çêkirina parçeyên dronên leşkerî dihatin bikaranîn.
Di encama van teqînan de li nav xaka Rûsyayê herî kêm 9 kes hatin kuştin û zirarên mezin ên aborî gihîştin binesaziya lojîstîk.
Ev şerê "mûşek û dronan" nîşan dide ku her du alî jî êdî şer birine navendên aborî û nîştejîbûnê yên herî girîng.
