Di demekê de ku nîqaşên li ser pêşnûmeya xurtkirina hevgirtina neteweyî û entegrasyona civakî berdewam dikin, Serokê CHP`ê Kemal Kiliçdaroglu daxuyaniyek parvekir.
Kemal Kiliçdaroglu li ser hisabê xwe yê medyaya civakî peyamek da û got:
"Wekî Koma Partiya Gel a Komarî, li gorî berpirsiyariya ku dîrokê li ser milên me daniye, em ê bi têgihîştinek tevbigerin ku ne tenê piştgirî dide lê di heman demê de berpirsiyariyê digire ser xwe û riya rast di vê pêvajoya dîrokî de nîşan dide."
Kemal Kiliçdaroglu: Em ê bê dudilî beşdarî pêvajoyê bibin
Serokê CHP`ê di daxuyaniyê de piştgiriya xwe ya ji bo her pêkhatiyên ku li Tirkiyê dijîn anî ziman û wiha lê zêde kir:
''Cudahiyên me ne çavkaniya dabeşbûnê ne, lê dewlemendiya welatê me yê hevpar e.
Ev pêvajo ne pêvajoya dabeşbûn û perçebûnê ye.
Ev pêvajo dermankirina birînan, xurtkirina biratiyê û ji nû ve yekbûna wekî milet e.''
Serokê CHP`ê Kemal Kiliçdaroglu di dawiyê de li ser pêvajoyê ev tişt anî ziman:
"Em ê bê dudilî beşdarî vê pêvajoyê bibin.
Lêbelê, em ê tu carî nehêlin ku avahiyên cîhanî yên parçeker ên ku dixwazin zemînek nû ji bo alozî, pevçûnên navxweyî li welatê me biafirînin, bi ser bikevin."
