Jina Êzidî ya bi navê Cemîla Bapîr ji sala 2014’an ve, di dema êrîşên çeteyên DAIŞ'ê yên li ser Şengalê de, li gundê Qinê bi malbat û kesûkarên xwe re hatibû girtin.
Cemîla Bapîr dema ku hatibû girtin, 7 salî bû.
Cemîla 12 salan di bin zilm û zordariya çeteyên DAIŞ’ê de ma.
Dayik û hinek mirovên wê piştî girtinê bi çend salan tên azadkirin.
Di pêvajoya girtinê de, Cemîla li gelek bajarên Sûriyê dimîne û herî dawî li Idlibê tê azadkirin.
Cemîla piştî 12 salan vegeriya Şengalê .
Li ser rizgarkirina Cemîla, mamê wê ji Ajansa Rojnewsê re wiha got:
"Ji malbata me kesên ku hatibûn revandin hinek hatin azadkirin, lê bav û mamê Cemîla hê jî ti agahî li ser wan tune ye."
