Serokê Herêma Kurdistanê Nêçîrvan Barzanî, piştî beşdariya şîna Sekreterê berê yê Partiya Komunîst a Kurdistanê Kemal Şakir li Hewlêrê, di konferanseke rojnamegeriyê de li ser pêşnûmeyasaya budceya Îraqê û mafên darayî yên Herêma Kurdistanê daxuyaniyên girîng dan.
Barzanî girîngiya yasaya budceyê anî ziman, destnîşan kir ku tenê destpêkirina gotûbêjên komîteyên teknîkî têrê nake û xwest ku pişka Herêma Kurdistanê bi awayekî misoger û bi hevahengiya bi Bexdayê re were çareserkirin.
Her wiha Barzanî daxwaz kir ku berî pêşnûmeyasa biçe Parlamentoya Îraqê, bi amadebûna dezgehên Kurdistanê re were amadekirin.Civînên
PDK û YNK'yê berdewam in
Derbarê pêwendiyên navxweyî de, Barzanî civînên di navbera PDK û YNK'yê de wekî "gaveke gelekî baş" nirxand û hêviya xwe anî ziman ku ev hevdîtin bibin sedema "xêrê" ji bo hemû pêkhateyên Herêma Kurdistanê.
