Li gorî agahiyên ku hatine belavkirin, Topxaneya Îsraîlê li ser girê Elî Tahir ê li navçeya Nebatiyeyê, bajarkên Seced, Ayşiye, Mehmûdiye yê li navçeya Cezînê ya başûrê Libnanê êrîşên nû pêk anîn.
Her wiha li bajarokên Hebûş û Wadî Selûqî jî, bi topxaneyê armanc hat kirin.
Hat ragihandin ku di navbera Hizbullah û artêşa Îsraîlê de, li girê Elî Tahir yê navçeya Nebertiyê, şer û pervçûn qewimîn.
Ji aliyê xwe ve jî, Hizbullahê diyar kir ku artêşa Îsraîlê hêzeke zirxî ya ji 5 tankên ji cureya Merkava û çar wesayîtên din pêk tê, ji nû ve li herêma derbasbûnê belav kirine.
Di heman demê, Hizbullahê da zanîn ku di navbera wan û hêzên Îsraîlê de, li heman herêmê şer û pevçûnên giran derketine.
Ev yek hemwextî lihevkirina di navbera Îran û Dewletên Yekbûyî yên Amerîkayê de pêk tê.
Libnan: Vekişîna Îsraîlê ji Libnanê aliyekî peymana Îran û Amerîkayê ye
Di vê çarçoveyê de, serokê Parlamentoya Libnanê Nebîh Berî da xuyakirin ku ev peyman di berjewendiya hemû aliyan de ye û wiha got:
"Libnan aliyekî peymana Îran-Amerîkayê ye.
Divê serweriya dewleta Libnanê were parastin.
Vekişîna Îsraîlê di peymanê de wekî qonax bi qonax, di heyamek 60 rojî de hatiye destnîşankirin.
Ev peyman ji Libnanê mezintir e û pêkanîna wê wekî peymana piştî 2024’an, nikare were têkbirin.
Serokê Dewletên Yekbûyî yên Amerîkayê Donald Trump û dewleta Îranê jî, wê wekî pêşaniya sereke dibînin."
Serokkomarê Libnanê Joseph Awn jî, got ku ew bihêvî ye ku ev pêşketinên dawî bibin sedema bidawîkirina êşên gelê Libnanê û vegerandina tevahî mafên neteweyî.
Duh jî Wezîrê Parestinê yê Îsraîlê Îsraîl Katz, dabû xuyakirin ku serokwezîrê Îsraîlê Benjamin Netanyahu diyar kiriye ku tevî peymana di navbera Ameraîka û Îranê de jî, ew ê hebûna hêzên Îsraîlê di nava axa Libnanê de, berdewam bike.
