Kenala nûçeyan a fermî ya Sûriyê, El-Îxbariye ragihand ku roja Şemiyê, dema ku droneke Îsraîlî li bajarokê Beyt Cin li gundewarê rojavayê Şamê, li başûrê rojavayê Sûriyê, otomobîlek hedef girt, kesek birîndar bû.
El-Îxbariye, ragihand ku dema ku droneke Îsraîlî otomobîlek li bajêr hedef girt, kesek birîndar bû, bêyî ku rewşa wî yan nasnameya wî diyar bike.
Rayedarên Sûriyê li ser bûyerê ti şîrove nedane, di heman demê de Îsraîlê, ji ber binpêkirinên berdewam ên serweriya Sûriyê, sedem an hedefa êrîşê eşkere nekiriye.
Êrîş di demekê de tê ku Sûriyê hewl dide bi Îsraîlê re peymanek ewlehiyê bi dest bixe.
Serok Ehmed Şera di 26`ê tîrmehê de diyar kir ku welatê wî, bi beşdariya welatên din, ji bo pêkanîna peymanek wisa dixebite û got ku ger serkeftî be, ew "dê rê li ber aştiyek berfireh veke bêyî ku mafê Sûriyê li ser Colana dagirkirî were terikandin."
