Artêşa Îsraîlê ragihand ku leşkerên wan li "Herêma Ewlehiyê" ya başûrê Sûriyê hejmarek çekdar kuştin.
Artêşê di daxuyaniya xwe de eşkere kir ku operasyonên wan ên li Sûriyê dê bidomin û gefên li dijî wan dê bên têkbirin.
Ajansa Nûçeyan a Sûriyê SANA'yê jî ragihand ku yekîneyeke artêşa Îsraîlê bi 4 erebeyên leşkerî li gundewarê Derayê geriya.
Yekîneyeke din a artêşa Îsraîlê ku ji 8 erebeyên leşkerî pêk dihat, ket gundê bajarokê Cumlê û gelek mal kontrol kirin.
Berî du rojan jî, yekîneyek ku ji 7 erebeyên leşkerî pêk dihat, ket gundê Meriye û bendeke leşkerî li rojhilatê mizgeftê danîn.
