Îsmaîl Beqayî: Danûstandin bi Dewletên Yekbûyî re bi rêyên siyasî pêk tê

 Di 28'ê sibata 2026'an de Îsraêl û Dewletên Yekbûyî yên Amerîkayê êrîşeke hevbeş li dijî Îranê dest pê kirin. Ji bo rawestandina vî şerî hevpeyman û agirbest hatin kirin, lê heya niha ti rêkeftineke pratîkî tune ye. Memorandûma têgihîştinê bi yekem rûbirûbûna leşkerî di navbera Îran û Dewletên Yekbûyî yên Amerîkayê de pêk hat.

Ku ji dema îmzekirina peymanê di 17'ê Hezîranê de cara yekem gule li hev dan. Piştî pevçûnek çekdarî di navbera her du aliyan, Îran soz da ku dê li dijî binpêkirina memorandûma têgihîştinê bersivê bide.

Berdevkê Wezareta Derve ya Îranê Îsmaîl Beqayî di civîneke çapemeniyê wiha got:

"Her êrîşek li ser Komara Îslamî ya Îranê wê bi bersivek tavilê were bersivandin."

Li gorî medyaya dewleta Îranê piştî ku Washingtonê Tehran bi êrîşa li ser yek ji keştîyên wê yên bazirganî li Tengava Hurmizê tawanbar kir, Îranê got ku wê êrîşî çeperên Amerîkî li Kendavê kiriye, wekî tolhildana êrîşên Amerîkî li ser axa wê ye.

Berdevkê Wezareta Derve ya Îranê Îsmaîl Beqayî ji rojnamevanan re destnîşankir ku dan û stendin di navbera Tehran û Washingtonê de bi rêyên siyasî, ne leşkerî, pêk tê.

Di navbera her du artêşan de tu kanalên ragihandinê tune ne.

Sibê dê dan û standin di navbera Îran û Amerîkayê de werin kirin

Di heman çarçoveyê de li gorî Kanalê li Qeterê di navbera şandeyên Îranî û Amerîkî de ti dan û standinên rasterast nayên kirin.

Lê sibê dê dan û standinên nerasterast di navbera şandeyên Îranî û Amerîkî de bi hebûna navbeynkaran

werin kirin. Mijara sereke ya van dan û standinan wê li ser rewşa Tengava Hurmizê û aramiya giştî ya herêmê be. Çavê hemû yan li vî şerî ye, ku rewşa Rojhilata Navîn ber bi kû ve bibe.