Rêveberiya Dibistanan a Kobanê, li Kobanê û gundewarên wê li 28 hezar xwendekaran karnameyên werza yekem belav kirin.
Karneme li 106 dibistanan li xwendekarên astên seretayî, navîn, amadehî û xwendekarên dibistanên pîşeyî hatin belavkirin.
Rêvebera dibistana Şehîd Seydo mamoste Narîn Mislim axivî û got ku ji ber rewşa herî dawî ya koçberiyê, gel neçar man li dibîstanan bi cih bibin.
Narîn Mislim got ku ev yek bû sedem ku xwendekar ji dibistanan dûr bikevin û belavkirina karnemeyan dereng bikeve.
Rêvebera dibistana Şehîd Seydo mamoste Narîn Mislim di dawiya axaftina xwe de got ku ew bi hêvîne ku rewşa koçberan çareser bibe da ku xwendekar li dibistan û xwendina xwe vegerin.
