Wezareta Derve ya Azerbaycanê, di daxuyaniyekê de, êrîş şermezar kir û ji Îranê ravekirin li ser bûyerê xwest.
Wezaretê, got ku wan gazî Balyozê Îranê kiriye da ku nerazîbûneke tund nîşan bidin.
Di encama êrîşa Îranê de 2 kes birînadar bûn
Wezareta Derve ya Azerbaycanê, diyar kir ku yek ji dronan li balafirgehek li Naxçivanê, li nêzîkî sînorê Îranê ket.
Ya din jî li nêzîkî dibistanekê ket.
Her wiha diyar kir ku Azerbaycan, mafê xwe diparêze ku tedbîrên tolhildanê yên guncaw bigire.
Heta niha ji aliyê Îranê ve ti şîrove nehatine kirin.
Balafirgeha Navneteweyî ya Naxçivanê bi qasî deh kîlometreyan dûrî sînorê bi Îranê re ye.
