Li gorî Rêxistina Mafên Mirovan raporeke da amadekirin, rapor jî wiha ye :
Îranê di meha tîrmehê de herî kêm 67 kes bidarvekirin, hat diyarkirin ku ji kesên hatine bidarvekirin 9 kes girtiyên siyasî û 2 jî jin bûn.
Di raporê de wiha hate gotin: “Ji 67 bidarvekirinên ku di meha tîrmehê de hatine bidarvekirin, tenê 8 kes an ku ji sedî 12’ê wan ji aliyê rayedarên fermî yên Îranî yan jî dezgehên medyayê yên girêdayî dadweriyê ve bi eşkereyî hatin ragihandin. 7 girtî bêyî agahiya malbata xwe û bikaranîna mafê hevdîtina dawîn bi awayekî veşartî hatin bidarvekirin û 2 girtî jî ji raya giştî re vekirî hatin bidarvekirin.
Di meha borî de jî kesên di xwepêşandanên meha çileyê û şoreşa 'Jin, Jiyan, Azadî' de hatin binçavkirin jî di nav de herî kêm 9 girtiyên siyasî û olî, bi tohmetên ewlehiyê yên wekî 'muharebe (şerê li dijî Xwedê)', 'sîxurtî' û sûcên bi vî rengî hatin bidarvekirin.
Her wiha ji kesên ku hatine bidarvekirin 22 Faris, 10 Kurd, 10 Azerî (Tirk), 6 Lor, 5 Belûç, 5 Gîlek, 2 Tirkmen, yek Ereb û yek jî Efganî bûn û nasnameya etnîkî ya 5 kesan jî nehat bicîkirin.
