Televîzyona dewletê ya Îranê ragihand ku Tehranê bi mûşekan Tel Aviv armanc girtiye.
Îran ev êrîş wekî "tolhildanek" ji bo kuştina Sekreterê Konseya Bilind a Ewlekariya Neteweyî ya Îranê Elî Larîcanî, bi nav kir.
Du kes li Tel Avîvê hatin kuştin
Di encama êrîşa ku roja sêşemê êvarê pêk hatî de, du kes li Tel Avîvê hatin kuştin.
Her wiha hejmara kuştiyên Îsraîlê di şer de gihişt herî kêm 14 kesan.
Di daxuyaniyekê de ku ji aliyê Sipaha Pasdarên Şoreşa Îranê ve hatiye weşandin, tê gotin ku çekên ku hatine bikaranîn mûşekên Xorramşehr-4 û Qader in, ku her du jî bi gelek serên şer ve hatine sazkirin.
Îsraîl got ku Îranê bi berdewamî mûşekên serên komî bikar aniye, ku di hewayê de dibin çend teqemeniyên biçûktir û li ser deverek fireh belav dibin, ji ber vê yekê rêgirtina wan dijwar e.
Îranê ajansa (IAEA) agahdar kir ku mûşekek li nêzîkî santrala nukleerî ya Buşehrê ket
Îranê Ajansa Enerjiya Atomî ya Navneteweyî (IAEA) agahdar kir ku êvara sêşemê mûşekek li nêzîkî santrala nukleerî ya Buşehirê ket, lê ti qurbanî an zirar çênebûn.
Rêveberê Giştî yê IAEA Rafael Grossi banga xwe ya ji bo xweragiriya herî zêde di dema pevçûnê de dubare kir, da ku ji xetera qezayek nukleerî dûr bikevin.
Îsraîl û DYA'yê diyar kirin ku yek ji armancên şerê li dijî Îranê ew e ku rê li ber Tehranê ji pêşxistina bernameya çekên nukleerî bigire.
