Ji 28’ê Sibatê ve şerê di navbera Îran û Amerîka-Îsraîlê de dewam dike û her ku diçe dijwartir dibe.
Çiruskên şer li Îraqê jî ketine.
Duh li parêzgehên Enbar, Nînowa, Babil û Kerkûkê bi caran êrîş li ser baregehên hêzên Heşdî Şeebî hatin kirin û di encamê de kuştî û birîndar çêbûn.
Li bajarokê Qaîme yê ser bi parêzgeha Enbar, duh baregeha lîwaya 19 ya Heşdî Şeebî hate hedef girtin.
Di encamê de 30 endamên hêzên Heşdî Şeebî hatin kuştin û birîndar bûn.
Lê Amerîka û Îsraîlê heta niha bi fermî êrîş negirtine ser xwe.
Ev baregeha Heşdî Şeebî ku nêzîkî balafirgeha navneteweyî ya Qaîme ye û diekve 400 km nêzîkî bakurê rojavayê Bexdayê, bi temamî ruxiya.
Duh carek din êrişî baregeha Heşdî Şeebî ya li parêzgeha Babilê hate kirin.
Lê heta niha têkildarî zerer û ziyanên canî û madî yên êrişê ti agahî nehatine belavkirin.
Her wiha duh êrîş li baregeha Heşdî Şeebî ya li parêzgeha Nînowayê jî hate kirin.
Di encamê de 2 çekdar hatin kuştin û 3 çekdar jî birîndar bûn.
Her wiha de direngiya şeva borî de jî li taxa Bedir a ser bi parêzgeha Kerkûkê êrişî baregeha Heşdî Şeebî (Turkmen) hate kirin û di ecnamê de 4 çekdar hatin kuştin û 13 çekdar jî birîndar bûn.
Li gorî agahiyan bi giştî di rojekê de 52 endamên Heşdî Şeebî bûne qurbanî.
