Îro Tawis, li gundê Tilbênatayê qibleya çiyayê Şengalê bû.
Gera Tawis, li Şengalê piştî serdana Mezargeha Şerfedînê pêk hat.
Şêniyên gundê Tilbênatayê, bi cilûbergên xwe yên spî û gerandina govendê, bi kêfxweşî Tawis pêşwazî kirin.
Li gorî ol û baweriya Êzîdiyan, Tawis salê carekê ji aliyê Şêx Hadî, li Laleşê dest bi gera xwe dike.
Li hemû gund û bajarên Êzidiyan digere.
Di her qonaxekê de rojekê dimîne.
Di wê qonexê de, rûspiyên Êzîdiyan li ser rêwresmên Êzîdiyatiyê diaxivin û pirsgirêkan çareser dikin.
Li ser geraTawis a Şengalê rûspiyên gundê Tilbênatayê Çekan Xelef Esaf axivî.
Çekan Xelef Esaf diyar kir ku ew bi hatina Tawis gelekî kêfxweş in û wiha got:
Gera Tawis a yekem li ber mezargaha Şerfedînê pêk tê û rûspiyên Êzîdî merasîma ayînî pêk tînin.
