Meclisa Gel a Taxên Şêx Meqsûd û Eşrefiyê ya Helebê, îro daxuyaniyek da û bibîr xist ku ji 6’ê Çileyê ve li ser herdu taxan êrîşên dijwar ên Hikûmeta Veguhêz ya Sûriyê û komên çekdar wê didomin.
Meclisê diyar kiribû ku êrîşkar komkujiyan pêk tînin, metirsî didome, teslimiyet li ser wan tê ferzkirin, lewma ew ê dijî êrîşan xwe biparêzin.
Piştî vê daxuyaniyê Hevya Sor a Kurd bi 15 wesayîtan alîkariya tenduristiyê ber bi Helebê ve derxist rê.
Li aliyê din li tevahiya kantonên Cizîr, Dêrazor, Reqa, Tebqa û Firatê jî bi sedan welatiyan dest bi amadekariyan kirin ku biçin Helebê.
Li gorî agahiyên ku meclîsên gel ên bajaran dane, li hemû bajaran amadekariyên gel berdewam dikin.
