Rêxistina Mafên Mirovan a Hanayê roja pêncşemê 24ê îlonê ragihand ku endamekî rêxistinê yê Kurd bi navê Ebdulrehman Ebulahî Pûr ku bi navê Şêrko jî tê naskirin, li Tirkiyê hatiye girtin û ji bo navendeke ragirtinê ya biyaniyên ku bi dersînorkirinê re rû bi rû ne hatiye veguhastin.
Hanayê diyar kir ku ji ber dîroka çalakiyên mafên mirovan ên Ebdulrehman Ebulahî Pûr û hevkariya wî bi Rêxistinê re, vegera wî ya ji bo Îranê dikare wî bi xeteriyeke cidî re rû bi rû bihêle.
Di nav xetereyan de jî girtin, êşkencekirin û bidarvekirin in.
Hanayê da zanîn ku ev xeterî, xwedî xwezayeke taybet û takekesî ye û nikare tenê wekî ji ber rewşa giştî ya mafên mirovan li Îranê were hesibandin.
Hanayê bang li rayedarên Tirkiyê kir ku her hewldanek ji bo dersînorkirina Ebulahî Pûr bo Îranê rawestînin.
Her wiha rêxistinê daxwaz kir ku berî ku rayedarên Tirkiyê biryarekê bidin, nirxandineke serbixwe û bibandor ji bo xeteriyan bikin.
Wekî xetereyên ku ji ber dosyaya wî ya mafên mirovan dikare bi wan re rû bi rû bibe û encamên gengaz ên dikarin ji ber vegera wî çêbibin.
Her wiha rêxistinê daxuyand ku divê gihîştina tavilê ya parêzerekî bo Ebdulrehman were garantîkirin.
Di dawiyê de, Rêxistina Mafên Mirovan a Hanayê ji her biryarekê ku dikare bibe sedema vegera Ebdulrehman Ebulahî Pûr bo Îranê hişyar kir.
