Pêkanînên tund yên li girtgehên Tirkiyê û Bakurê Kurdistanê rexmî pêvajoya çareseriyê berdewam dikin.
Herî dawî Endamê Komunên Ciwanan Dogukan Magol li Girtîgeha Tîpa L a Sîlîvriyê tê ragirtin, li dijî kirinên li girtîgehê dest bi grêva birçîbûnê kirin.
Li dijî êrişên HTŞ, DAIŞ û komên paramîlîter ên girêdayî Tirkiyeyê yên li ser Helebê, komeke ciwanan di 9’ê Çileyê de li pêşiya Zanîngeha Stenbolê kom bûn û xwestin bimeşin.
Polîsan êrişî ciwanan kir û 9 ciwan hatin binçavkirin. Ciwan, di 10’ê Çileyê de jî hatin girtin.
Yek ji wan ciwanan endamê Komunên Ciwanan Dogukan Magol ku li Girtîgeha Tîpa L a Sîlîvriyê tê ragirtin, dest bi greva birçîbûnê kir.
Li gorî agahiyên parêzeran dane, Magol tevî hevalên xwe li dijî venêrîna bi kamerayan derketin û ji ber vê berteka xwe rastî tundiyê hatin.
Magol ku derbasî hucreyê hate kirin, li dijî bêhiqûqiya lê hatiye kirin û bicihkirina kamerayan a li qawîşan, dest bi çalakiya greva birçîbûnê ya bêdem û bêdorveger kir.
Di heman demê de girtiyên din jî xwestin ku venêrîna bi kamerayan a li girtîgehê bê sekinandin.
