Sendîkaya Rojnamevanan a Herêma Başûrê Kurdistanê ragihand ku pêwîst e di dema propagandaya hilbijartinan de, rê li ber rojnamevan û dezgehên çapemeniyê bê vekirin û bi ti awayî mafên wan neyên binpêkirin.
Sendîkayê daxwaz ji hemû aliyên siyasî, namzet û saziyên fermî yên hikûmet û komîsyona hilbijartinê kir ku bi rojnamevanan re bibin alîkar.
Her wiha daxwaz ji saziyên ragihandinê û rojnamevanan jî hat kirin ku ji hinek şêwaz û gotinan dûr bikevin, ku ew şêwaz dibin sedema têkdana aştiya civakî û rewşa heyî ya siyasî.
