Civîn di bin serokatiya Alîkarê Serokkomar Cevdet Yilmaz de li Qesrê bi rê ve çû. Di vê rûniştina duyemîn de Wezîrê Edaletê Akin Gurlek, Wezîrê Karên Hundir Mûstafa Çîftçî, Wezîrê Parastinê Yaşar Guler, Sekreterê Giştî yê Serokkomariyê Hakki Sûsmaz, Serokê MÎT'ê Îbrahîm Kalin û Sekreterê Giştî yê Desteya Ewlekariya Mîllî Okay Memîş amade bûn.
Desteyê ku civîna xwe ya yekemîn û destpêkê di 24'ê Tebaxê de li dar xistibû, di vê civînê de geşedanên di çarçoveya pêvajoyê de nirxandin. Li aliyê din hat ragihandin ku Kabîneya Wezîran jî wê îro bi serokatiya Serokkomar Recep Tayyîp Erdogan bicive.
