Di çarçoveya lêpirsînê de ku ji aliyê Serdozgeriya Komarê ya Stenbolê ve tê meşandin, 10 kesên ku bi îdiaya veguhestina alîkariyên ji bo Komeleya AHBAP’ê bo hesabên xwe yên kesane hatibûn desteserkirin, hatin birin ji bo Dadgeha Stenbolê ya li Çaglayanê.
Oguzhan Ugur di îfadeya xwe ya li cem polîsan de diyar kir ku ti têkiliya wî bi Komeleya AHBAP’ê re tune ye.
Ew tenê Haluk Levent nas dike û der barê bikaranîna şaş a alîkariyan de ti agahî yan gumaneke wî tune ye.
Beriya niha di çarçoveya heman lêpirisînê de 25 kes hatibûn binçavkirin û ji wan tevî Haluk Levent, 14 kes hatin girtin.
