Weqfa Furkan ragihand ku serê sibehê li gelek bajaran, bi taybetî li Edeneyê, li ser parvekirinên medya civakî û malên endamên weqfê operasyonên hemwext hatine kirin. Di daxuyaniya Weqfê de hat diyarkirin ku ev operasyon, tenê rojek piştî gefên Alîkarê Serokkomar Oktay Saral ên li ser medyaya civakî yên mîna "Sira dê bête te jî Kuytul" pêk hatiye û ji ber vê yekê binçavkirin bi "telîmatê" hatine kirin.
Li aliyê din, Wezîrê Dadê Akın Gürlek derbarê hûrgiliyên lêpirsînê de daxuyaniyek da. Gürlek diyar kir ku lêpirsîn ji aliyê Serdozgeriya Komarê ya Edeneyê ve li ser tawanên wekî "avakirin û birêvebirina rêxistina sûcê", "şûştina drav", "sextekarî" û "sextekariya di belgeyên fermî de" tê meşandin.
Di çarçoveya vê operasyonê de li 6 bajaran bi giştî bi ser 49 navnîşanan de hat girtin, 5 kampanyan hatin desteserkirin û biryara astengkirina gihîştina 349 hesabên medya civakî hat girtin ku hat tespîtkirin ji bo berjewendiya rêxistinê xebat dimeşandin.
