Îro li Enqereyê mamoste li ber Wezareta Gencîne û Darayiyê kom bûn, daxuyanî dan û daxwaza başkirina rewşa aborî û mafên kar kir.
Piştî daxuyaniyê, dema mamosteyan xwest ber bi Wezareta Perwerdeya Neteweyî ve bimeşin, hatin binçavkirin.
Polîsan bi danîna barîkatan rê li ber meşê girt û hin mamoste rastî êrîşa fîzîkî hatin û di encam de 40 mamoste hatin binçavkirin.
Li gorî daxuyaniya sendîkayê, di nav kesên binçavkirî de serokê sendîkayê, endamên lijneya rêveberiyê û nûnerên sendîkayê jî hene.
Mamosteyan berê ragihandibû ku wan daxwazên xwe gihandine saziyên curbecur lê bersiva "budce tune ye" wergirtiye.
