Ev herdu kes 20`ê îlonê li Manchesterê ji aliyê polîsên dij-terorê ve hatibûn girtin û navên wan Selam Ehmediyan ê 36 salî û Rehman Salihî yê 34 salî ye.
Piştî lêpirsînan ew bi amadekirina komployekê hatin tawanbarkirin ku diviyabû beriya cejna olî ya Cihûyan a bi navê Roja Xufranê bihata kirin.
Paşê, polîsên dij-terorê yên Brîtanyayê diyar kir ku lêpirsînan planeke armanckirina civaka Cihûyan a Manchesterê têk biriye.
Her wiha lêpirsîneran jî daxuyand ku ev herdu kes bi kesekî li derveyî Brîtanyayê re di têkiliyê de bûn ku dibe ku li Îranê be û bi vê planê ve girêdayî be.
