Piştî pejirandina pêşnûmeya çarçoveyî li Parlamentoyê, endamên Şandeya Îmraliyê ya Dem Patiyê Pervîn Buldan û Mîthat Sancar li Qesra Serokkomariyê bi Serokkomarê Tirkiyê Recep Tayyip Erdogan re civiyan.
Beriya hevdîtinê Mîthat Sancar û Pervîn Buldan destnîşankiribûn ku dema hevdîtin bidawî bibe ew ê bi Rêberê Damizrînerê PKK`ê Abdullah Ocalan hevdîtin pêk bînin.
Piştî civînê şandeyê daxuyaniyeke nivîskî da û tê de wiha nivîsî.
Îro, me bi Serokkomar Recep Tayyip Erdogan û şandeya wî re civînek berhemdar li dar xist.
Di civînê de, hate tekez kirin ku qanûna çarçoveyî di Meclîsa Mezin a Neteweyî de bi 467 dengan hate pejirandin.
"Di civînê de îradeya hevpar a berdewamkirina pêvajoyê hebû"
Girîngiya qonaxa niha ya pêvajoyê û gavên ku divê werin avêtin bi hev re hatin nirxandin.
Tê tekez kirin ku vekirina deriyên serdemekê ku tê de demokrasî û qada siyasî bi vê qanûnê dê werin xurt kirin ji bo hemû welatiyên me û welatê me girîngiyek mezin e.
Di civînê de îradeya hevpar a berdewamkirina pêvajoyê bi biryardarî hate piştrastkirin.
Hewldanên me dê berdewam bikin da ku pêvajo ber bi aştî û demokrasiyê ve biçe.
Em spasiyê ji hemû partîyên siyasî û beşên civakê re dikin ku heta niha bi piştgirî, pêşniyar, hişyarî û rexneyên xwe piştgiriya pêvajoyê kirine.”
Şandeya Îmraliyê beriya hevdîtina bi serokkomarê Tirkiyê Recep Tayyîp Erdogan re, pirsên rojnamegeran jî bersivandin.
Mîthat Sancar: Ji bo qanûn pêk were divê komîte ava bibin
Mîthat Sancar da zanîn ew li bendê ne ku di demeke zû de biçin Girava Îmraliyê û ev nirxandin kir:
“Ji bo qanûn pêk werin, divê destpêkê komîte werin avakirin.
Em ê li ser çawaniya pêkanîna qanûnê nêrînên xwe bibêjin.”
Pervîn Buldan: Divê pêvajo bi lez bimeşe
Pervîn Buldan diyar kir ku piştî hevdîtina bi serokkomar re, ew li bendê ne di demeke zû de biçin Girava Îmraliyê û ev tişt anî ziman:
“Niha pêvajo ketiye qonaxeke.
Divê bê ku dereng bê xistin, gav bên avêtin.
Piştî vê hevdîtinê, divê di demeke zû de bi birêz Ocalan re hevdîtinê bikin."
