Serokatiya Ragihandinê ya Tirkiyeyê daxuyaniyeke fermî belav kir û bertek nîşanî daxuyaniyên Serokwezîriya Îsraîlê yên derbarê êrîşên asmanî yên li ser xaka Sûriyeyê da. Di daxuyaniyê de hat diyarkirin ku ev îdîa bi armanca rewakirina êrîşên li dijî serwerî û yekrêziya xaka Sûriyeyê têne kirin û Enqere daxwaz dike ku rêz li hiqûqa navneteweyî bê girtin.
Ev daxuyanî piştî wê yekê hat ku balafirên şer ên Îsraîlê di 18'ê Tebaxê de 8 êrîşên asmanî birin ser pîsta balafirgeha leşkerî ya Ebû Zuhûrê ya li gundewarê rojhilatê Îdlibê. Li gorî zanyariyên herêmî, di encama van êrîşan de tenê ziyanên madî çêbûne û ti windahiyên canî nehatine ragihandin. Ev êrîş ji aliyê Tirkiyeyê û çend welatên erebî ve hat şermezarkirin.
Tirkiyeyê di daxuyaniya xwe de destnîşan kir ku ji bo pêkanîna ewlehî û aramiyê, ew ê hevkariya xwe ya bi hikûmeta Sûriyeyê re bidomînin. Di heman demê de bang li Serokwezîrê Îsraîlê hat kirin ku dest ji polîtîkayên êrîşkar ên ku hevsengiyên herêmî dixin xetereyê berde.
