Komîsyona Gel û Baweriyan a DEM Partiyê bi beşdariya Hevserokên Giştî Tulay Hatîmogullari û Tuncer Bakirhan, li Enqereyê bi nûnerên saziyên Elewiyan re hat cem hev. Di civînê de fikar û daxwazên civaka Elewiyan hatin guhdarîkirin.
Tuncer Bakirhan diyar kir ku pêvajoya aştiyî û civaka demokratîk bi wekheviya Elewiyan ve girêdayî ye. Bakirhan li dijî hewldanên ve derkirina Elewiyan derket û got ku armanca wan a sereke "demokratîkkirina komarê" ye; di vê çarçoveyê de entegrasyona demokratîk ne pişaftin e, daxwaza hemwelatiya wekhev e.
Serokê Giştî yê Federasyona Elewiyên Bektaşî Mustafa Aslan jî spasiya DEM Partiyê kir û destnîşan kir ku tu kes nikare bi tenê serê xwe li ser navê Elewî û Kurdan biryarê bide. Aslan ragihand ku piştî vebûna Meclisê ew ê bi Serokê Meclisê û hemû partiyên siyasî re hevdîtinan bikin da ku nexşerêya xwe parve bikin.
