Duh li rawestgeha otubusê ya stadyumeke werzîşê ya herêma Belûcistanê ya başûr rojavayê Pakistanê, li dijî civîneke siyasî êrişeke xwekuj pêk hatibû.
DAÎŞ’ê daxuyaniyek da û eşkere kir ku ev êrîş ji aliyê wan ve, pêk hatiye.
Wezîrê Karên Hundurîn ê Belûcîstanê Hamza Şafqat, ragihand ku DAÎŞê 8 kîlogram teqemenî, di vê êrîşê de bikar anîye û di encamê de, 15 kes hatibûn kuştin û 38 jî, birîndar bibûn.
Rayedarên Belûcîstanê eşkere kirin ku wan di derbarê bûyerê de, lêpirsînekî berfireh dane destpêkirin û tedbîrên ewlehiyê yên li herêmê hatin zêdekirin.
Hikûmeta Pakîstanê jî, ev êrîş şermezar kir û tekez kir ku tekoşîna wan li dijî terorê wê dewam bike.