Komîsyona Hevgirtina Neteweyî, Xwişk-Biratî û Demokrasiyê ya ku di çarçoveya çareseriya demokratîk a pirsgirêka Kurd de hatiye damezrandin, civîna xwe ya 9'emîn li dar xist.
Nûnerên karsaziyê beşdarî civînê bûn, nêrîn û pêşniyarên xwe yên derbarê pêvajoyê de parve kirin.
Karsaz: Divê pêvajo bi lez û rasteqîn bi encam bibe
Serokê TOBB'ê Rifat Hasircikoglu destpêkê axivî. Rifat Hasircikoglu diyar kir ku şer dibe sedema pirsgirêkên aborî û wiha domand: "Demokrasî, yekitiya me ya bingehîn e; divê her kes bi awayekî azad xwe îfade bike. Çareseriya hemû pirsgirêkan demokrasî ye."
Serokê TESK'ê Bendevî Palandoken derbarê heman mijarê de axivî û got: "Divê Pêvajo bi lez û rasteqîn bi encam bibe. Palandoken bi lêv kir ku aştî, aramiyê li nava civakê belav dike û pêşiya aboriyê jî vedike.
Karsaz: Aştî dikare aboriya Tirkiyê xurttir bike
Serokê TÎSK'ê Ozgur Burak Akkol balkişand ser zerarên şer ên li aboriyê û wiha got: "Şer zirareke mezin daye aboriya Tirkiyeyê lê aştî dikarê aboriya Tirkiyeyê xurttir bike."
Serokê ASKON'ê Orhan Aydin jî destnîşan kir ku di rewşa nearamî ya siyasî û pevçûnan de aborî û hilberîn jî domdar nabe û got ku ew ê piştgiriya pêvajoyê bikin.
Serokê MUSÎAD'ê Burhan Ozdemîr jî bi daneyan bandora şer a li ser aboriyê vegot û piştgiriya xwe ya ji bo pêvajoyê anî ziman.
Serokê TZOP'ê Ahmet Bahadir têkildarî bandora şer a li ser aboriyê nirxandin kir.
Her wiha Serokê TUSÎAD'ê Ozan Dîren jî bi heman awayî li ser bandora şer û aboriyê sekinî û bi lêv kir ku ew piştgiriyê didin pêvajoyê.
Civîna 10'emîn ya komîsyonê dê 18-19 Îlonê kom bibe. Akademîsyen û pisporên ku di warê çareserkirina nakokiyan de dixebitin û her wiha nûnerên hin rêxistinên civaka sivîl ên ku li Bakurê Kurdistanê dixebitin, werin guhdarîkirin.