Di derbarê êrîşê de, Fermandariya Giştî ya Hêzên Ewlekariya Hundirîn li Bakur û Rojhilatê Sûriyê, daxuyaniyek da.
Di daxuyaniyê de, Asayîşê ragihand ku li bajarokê Dirinc li gundewarê Dêrazorê, duh çekdarên nenas êrîşî xaleke kontrolê ya Hêzên Ewlekariya Hundirîn kirin.
Fermandariyê da zanîn ku Asayîşê bersiva êrîşê da û di encamê de, endamekî wan şehîd bû û 2 endamên din birîndar bûn û êrîşkar jî reviyan.
Fermandariya Giştî ya Hêzên Ewlekariya Hundirîn diyar kir ku piştî êrîşê hêzên wan li herêmê dest bi lêgerînê kirin.
Li gor daxuyaniyê, navê "koma terorsît" li wê koma çekdar hatiye kirin, lê tu agahiyên din derbarê nasnameya êrîşkaran de, nehatiye eşkerekirin.