Ajansa Nûçeyan a Neteweyî ya Libnanê ragihand ku balafirên şer ên Îsraîlê li bajaroka Nebetiye El-Fewqa, bi taybetî li taxa "Es-Saha El-Qedîme" di du qonaxan de êrîşeke esmanî ya giran birin ser herêmê.
Piştî herdû êrîşên pêşîn, dema ku tîmên hawarçûnê û tendurustiyê ber bi cihê bûyerê ve diçûn, balafirên Îsraîlê bi êrîşeke sêyemîn tîmên hawarçûnê rasterast kirin armanc. Hat diyarkirin ku endamên tîma hawarçûnê di vê êrîşê de bi "zehmetiyeke mezin û bi mûcîzeyî "rizgar bûne.
Ev geşedan di demekê de tên ku artêşa Îsraîlê hebûna xwe ya li hinek xalên li başûrê Libnanê diparêze û li gelek bajarokên li ser sînor operasyonên rûxandin û teqandina xaniyan berdewam dike.
