Îro cenazeyê siyasetmedarê Kurd Salih Muslim gihîşt Rojavayê Kurdistanê li bajarê Qamişloyê bi marasîmeke girseyî hat pêşwazîkirin.
Di danê nîvrojê de cenaze ji Başûrê Kurdistanê gihîşt deriyê Sînor ê Sêmalka.
Li wir Gelek kes ji partiyên Siyasî û Siyasetmedar, gelê herêmê cenazeyê Salih Muslim pêşwazî kir.
Hevserokê PYD'ê Xerîb Hiso di merasîma pêşwazîkirina cenazeyê şehîd Salih Muslim de got ku Salih Muslim jiyana xwe ji bo xizmeta doza kurdî û parastina nirxên jiyana hevbeş, diyaloga di navbera pêkhateyan de veqetandibû û hevrêyên wî wê têkoşîna wî bidomînin.
Karwanê cenazeyê li benda kontorlê ya Nimetlî ya li deriyê Rojhilat ê têketina bajarê Qamişloyê ji aliyê bi sedan şêniyan, endamên saziyan û partiyên siyasî ve hat pêşwazîkirin.
Girseyê bi hildana wêneyên şehîd Salih Muslim, alên Meclisa Malbatên Şehîdan û PYD'ê pêşwaziya cenazeyê kir.
Li Kobanê koma şîna Salih Muslim hat danîn
Ji aliyekî din ve, ji bo endamê Desteya Hevserokatiyê ya Partiya Yekitiya Demokratîk (PYD) û hevserokê berê yê partiyê Salih Muslim, konê sersaxiyê li Qada Azadîyê yê bajarê Kobanê hat vedan.
Bi sedan şêniyên bajarê Kobanê, endamên rêveberiya Kobanê, partiyên siyasî û rêxistinên jinan danê sibehê berê xwe da bin konê sersaxiyê yê ji bo taziyeya şehîd Salih Muslim hatiye vedan û sersaxî ji malbata wî re xwest.
Dê sersaxî heta 2 rojan bidome.
Sibe wê li bajarê Qamişloyê merasîma oxirkirinê were lidarxistin û piştre wê cinazeyê Salih Muslim ber bi Kobanê ve were rêkirin.
Cenazeyê şehîd Salih Muslim wê li Pakrewangehga Şehîd Dicle Kobanê were oxirkirin.
