Hevpeymaniya Hêzên Siyasî yên Rojhilatê Kurdistanê têkildarî rewşa niha ya Îranê û agirbestê daxuyaniyeke nivîskî belav kir.
Hevpeymaniyê diyar kir ku Rojhilata Navîn bi qasî 39 rojan di nava agir û şerekî giran de bû û wiha got:
"Dewleta Îranê di bin êrîşên tund û rasterast ên Amerîka û Îsraîlê de bû.
Di encamê de, di 7'ê nîsana 2026'an de piştî hişyariya Serokê Amerîkayê ya ku dibêje 'Eger Kendava Hurmizê neyê vekirin ew ê vegerin serdema kevirîn' û piştre dewleta Îranê teslîm bû û neçar ma ku agirbestê qebûl bike."
Hevpeymaniya Rojhilat nêzîkatiya xwe ya ji bo rewşê niha wiha nîşan da:
"Berfirehbûna şer û têkçûna asayîşa herêmê, encama rasterast ya siyaseta têkçûyî ya Komara Îslamî ye.
Ev rejîm bi rêya hewldana hilgirtina çekên navokî û destdirêjî karê welatan bike.
Siyaseta şoreşa îslamî bişopîne.
Piştgiriyê bide terorîzmê û girîngîdayîna pêşxistina bernameya mûşek û dronan.
Cîhan ber bi ne aramiyê ve birine.
Ev şer bûye sedema ziyangihandina gelek welat û koçberiya bi hezaran malbatan."
Hevpeymaniya Hêzên Siyasî yên Rojhilatê Kurdistanê wiha domand:
"Em pêşwaziyê li her pêngaveke ku bibe sedema rawestandina xwînrijandin û parastina giyana welatiyên sivîl dikin.
Lê belê, hişyarî tê kirin ku divê agirbest wekî derfeteke taktîkî ji bo rejîmê neyê bikaranîn da ku xwe ji nû ve rêxistin bike û nêzîkî çekên nukleerî bibe."
Hevpeymaniya Hêzên Siyasî yên Rojhilatê Kurdistanê ya Îranê di dawiyê de tekez kir ku her lihevkirineke ku îradeya gelê Îranê paşguh bike, wê tenê aştiyek demkî û xeternak be.
