Beriya demekê, Serokkomarê Îranê Mesûd Pizîşkiyan, di derbarê têkilî û hevdîtinên bi Amerîkayê re daxuyaniyek dabû û tekez kiribû ku "diyalog nayê wateya têkçûn an teslîmbûnê."
Alîkarê cîgirê berpirsê karûbarên siyasî yê Supaya Pasdarên Şoreşa Îslamî ya Îranê, Ezîz Xezanferî, ev daxuyanî rexne kir û diyar kir ku daxuyaniyên şaş ên ku ji aliyê rayedarên payebilind ên hikûmetê ve têne dayîn, di serî de zirarê didin hikûmetê bi xwe û qada çalakiya wê ya di warê siyaseta derve û hundir de tengav dike.