Berdevkê Wezareta Veguhestinê ya Îraqê Meysam Safî ji medyaya fermî ya Îraqê re axivî.
Meysam Safî got ku girtina demkî ya Balafirgeha Bexdayê ji ber "pirsgirêkeke teknîkî ya ji nişka ve" ye.
Her wiha Berdevkê Wezaretê wiha domand:
"Ev gav wekî tedbîreke lezgîn a parastinê bû, ji bo ku asta ewlehiyê li gorî pîvanên navneteweyî were parastin."
Meysam Safî da zanîn ku tîmên teknîkî yên pispor yekser dest bi diyarkirin û çareserkirina pirsgirêkê kiriye û ev kar li gorî mercên Rêxistina Hewavaniyê ya Sivîl a Navneteweyî tê kirin.
Berdevkê Wezaretê ew gotegotên ku qala girtina balafirgehê ya ji ber “sedemên ewlehiyê” dikin, red kirin û wiha got:
"Tu bingeha wan nûçeyan a rast nîn e û pişta xwe naspêrin tu çavkaniya fermî.
Piştî ku karên sererastkirin û pişkinînên teknîkî bi dawî bibin, di çend demjimêrên bê de balafirgeh dê careke din vebe."
