Rayedarên xwecihî yên Odessayê îro ragihandin ku Rûsyayê bi dronan êrîşî herêmê kirin, di encama êrîşê de, 4 kes birîndar bûn ku di nava wan de 3 zarok hebûn.
Rêveberê Leşkerî ya Odessayê Serhiy Lysak diyar kir ku ji ber êrîşên Rûsyayê tesîsên binesaziya enerjiyê jî zirar dîtin.
Serhiy Lysak got ku li hin deverên Odessayê bi şev teqîn çêbûn, piştî teqînê jî elektrîka bajêr qut bû.
Heta niha der barê êrîşên li ser Odessayê de, Rûsyayê tu daxuyanî nedaye.
Bajarê Odessa bendergeheke girîng a li Deryaya Reş e, di şerê nêzîkî 4 salan de bi mûşek û balafirên bêmirov ên Rûsyayê gelek caran rastî êrîşan hatiye.
