Ajansa Erebî ya Sûriyê SANA eşkere kir ku Artêşa Hikûmeta Veguhêz a Sûriyê êrîşeke bêpîlot li ser baregeha leşkerî ya El-Tenefê li başûrê welêt têk bir.
Li gorî heman çavkaniyê ev êrîş ji nava axa Îraqê ve hatiye pêkanîn.
Di nîvê sibatê de, Wezareta Parastinê ya Hikûmeta Veguhêz a Sûriyê ragihand ku wan baregeha leşkerî ya "El-Tenef" ji hêzên Amerîkî wergirtiye û eşkere kir ku wan dest bi bichkirina hêzên xwe li ser sînorê Îraq-Urdunê li çola Tenefê kir.
Ji destpêka şerê di navbera Îsraîl-Amerîka û Îranê de, Baregehên leşkerî yên li Rojhilata Navîn ku hêzên Amerîkî lê bi cih dibin, gelek caran tên êrîşkirin.
