Cezayê darvekirinê ji bo girtiyê protestoyan
Li gorî nûçeya ku ji aliyê Rêxistina Mafên Mirovan a Îranê (HRANA) ve hatî piştrastkirin, girtiyê 22 salî yê bi navê Amir Mohammad Mojallal Chubari bi cezayê darvekirinê re rû bi rû maye.
Chubari di 2'ê Çileya 2026'an de di dema protestoyên seranserî yên li Tehranê de hatibû girtin û niha li Girtîgeha Ghezel Hesar a li bajarê Keracê tê ragirtin. Dadgeha Îranê ew bi hincetên wekî "civîn û hevkariya li dijî ewlehiya neteweyî", "têkdana nîzama giştî" û "hewldana kuştina efserên ewlehiyê" sûcdar kiriye.
Li Asmanabadê 3 welatî hatin girtin
Li aliyê din, li bajarê Asmanabadê yê ser bi parêzgeha Îlamê ve, sê welatiyên bi navê Younes Bakri, Yaser Havasi û Ruhollah Gholami ji aliyê hêzên ewlehiyê yên rejîmê ve hatin binçavkirin.
Çavkaniyên herêmî ji HRANA re ragihandin ku ev her sê kes piştî şerekî ku di navbera komek welatî û hêzên hikûmetê de derketibû, hatine girtin. Ew şer jî piştî girtina welatiyekî din ê bi navê Amin Naseri dest pê kiribû. Heya niha agahiyek zelal li ser cihê ragirtina wan û rewşa wan a tendurustiyê
