Pêşveçûna meydanî ya rûsyayê
Wezareta Parastinê ya Rûsyayê di daxuyaniyeke fermî de diyar kir ku yekîneyên ji koma "Bakur" (Sever) a artêşa Rûsyayê, di encama çalakiyên êrîşkar û tund de karibûn bi temamî gundê Îvanovka yê li parêzgeha Xarkîvê bixin bin serweriya xwe. Ev herêm li rojhilatê Ukraynayê wekî xaleke girîng a şer tê naskirin.
Di nava 48 saetan de gundê duyem
Ev pêşveçûna nû wekî serkeftineke li pey hev a artêşa Rûsyayê li herêma Xarkîvê tê nirxandin. Roja borî (Înê) jî, wezareta parastinê ragihandibû ku wan gundê Anîşşînî (Aniskinî) li heman parêzgehê kontrol kiriye. Bi vî rengî, Îvanovka dibe gundê duyem di nava kêmtirî 48 saetan de ku ji destê hêzên Ukraynayê tê derxistin.
Berfirehbûna operasyonan li rojhilat
Her weha, wezaretê di daxuyaniyên xwe yên dawî de destnîşan kir ku di hdesstpêkirina hefteya borî de, hêzên rûsî karibûne zêdetirî 8 gund û bajarokan li herêmên cuda yên rojhilatê Ukraynayê bixin bin kontrola xwe, ku ev nîşana zêdebûna zexta leşkerî ya Moskowê ye li ser eniyên şer.
