Di daxuyaniyekê de, artêşê da zanîn ku hêza hewayî êrîş di bin rêberiya îstîxbarata leşkerî de pêk aniye.
Artêşê destnîşan kir ku wan tesîsên Supayê Pasdaran, cihên hilanîn û pêşxistina mûşekên balîstîk û pergalên parastina hewayî hedef girtine.
Artêşa Îsraîlê ragihand ku wan li Libnanê zêdetirî 140 cihên Hizbullahê, di nav de kampên perwerdeyê, depoyên çekan, navendên fermandariyê, tesîsên girêdayî Hêza Radwan li Beyrûtê û deverên din hedef girtine.
Artêşê zêde kir ku operasyon bi êrîşên hewayî ve sînordar nebûn, lê operasyonên bejayî li başûrê Libnanê jî hatin kirin.
Di daxuyaniyê de hate destnîşankirin ku hêzên wan, ji bilî keşfkirina tunel û cihên leşkerî, gelek çek, di nav de tifing, mûşekên dijî-tankan û bombeyên destan, dîtine.
Her wiha hate ravekirin ku topxaneya Îsraîlê di demjimêrên dawî de bi sedan top avêtine hedefên Hizbullahê.
Di heman demê de cihên ku guman tên kirin ku ji bo avêtina dronan têne bikaranîn jî hate hedefgirtin.
