Aoun: Zextê li Îsraîlê bikin da ku êrîşî Libnanê neke

Dan û standin di navbera Libnan û Îsraîlê de berdewam dikin.

Her wiha êrîşên Îsraîlê yên li ser başûrê Libnanê berdewam dikin.

Serokatiya Libnanê di daxuyaniyeke çapemeniyê de wiha got:

"Serokkomar Joseph Aoun bi Balyozê Amerîkî Michael Issa re li ser pêşketinên dawiyê yên der barê civîna sêyemîn a Libnan-Amerîka û Îsraîlê ya ku di vê hefteyê de li Washingtonê tê plankirin, axivîn."

Li gorî daxuyaniyê, Aoun tekezî li ser pêdiviya zextkirina li ser Îsraîlê kiriye da ku gulebaran, operasyonên leşkerî û hilweşandina malan rawestîne.

Karbidestekî Wezareta Karên Derve ya Amerîkayê, hefteya borî ragihand ku Dewletên Yekbûyî yên Amerîkayê plan dike ku roja pêncşem û înê li Washingtonê dewreyeke din a dan û standinan, di navbera nûnerên Îsraîl û Libnanê de li dar bixe.

Di 9'ê adarê de, Serokê Libnanê Joseph Aoun da zanîn ku ew dixwazin bi Îsraîlê re dan û standinan bikin, da ku dawî li êrîşên Îsraîlê yên li dijî Libnanê bînin.