Wezareta Xezîneyê ya Amerîkayê ragihand ku rêveberiya Donald Trump duh cezayên nû li ser Îranê ferz kiriye. Ev ceza li ser 6 kes, 27 sazî û 22 keştiyên ku bi Îranê ve girêdayî ne hatine sepandin.
Ev ceza kes, tor û keştiyên petrolê yên ku di veguhestina petrola xav, berhemên petrolê û petrokimyewî yên Îranê de beşdar in armanc dikin.
Her wiha Wezaretê da zanîn ku ev her 6 kesên cezakirî, pênc ji wan welatiyên Hindî ne û yek jî welatiyê Tirkiyê ye û hevkariya wan bi Îranê re heye.
Armanc ji van cezayan ew e, ku fînansekirina Îranê ji çalakiyên wê yên şer, bipêşxistina mûşekan, êrîşên sîber û piştgiriya Supaya Pasdaran qut bike.
Ev gav fişarê li ser firotina petrola Îranê jî zêde dike.
© 2026 – NÛÇE TV Hemû maf parastî ne. Nûçe Rastî ye