Li gorî medyaya Amerîkayê, rêveberiya DYA’yê ji Tirkiyeyê xwest ku dev ji pergala parastina hewayî ya Rûsyayê ya S-400 berde. Hat îdîakirin ku Enqere amade ye ku li ser daxwaza DYA’yê ne temamî, bi qismî dev ji pergala parastina hewayî berde.
Rûsya û Tirkiyeyê di sala 2017’an de, ji bo kirîna pergala parastina asîmanî ya Rûsyayê ya S-400 peymanek bi 2.5 milyar dolarî îmze kiribûn.
Ew pergal di havîn û payîza 2019ˊan de teslîmî Tirkiyeyê hatibû kirin. Vê yekê hişt ku nakokî di navbera Tirkiye, DYA û dewletên rojavayî de derkeve û ceza li ser berhemên leşkerî yên Enqereyê hatin birîn.
Her çiqas hewldanên Tirkiyeyê ji bo lihevkirinek bi DYA'yê re hebê jî heya niha di vî warî de çareseriyek peyda nekiriye.
© 2026 – NÛÇE TV Hemû maf parastî ne. Nûçe Rastî ye