Karbidestên Amerîkî gotin ku DYA'yê wê vê hefteyê li wargeheke Şerîaya Rojava xizmetên pasaportê pêşkêş bikin.
Ev cara yekem e ku karbidestên sefareta Amerîkî xizmetên wiha ji niştecihên li axa dagirkirî re pêşkêş dikin.
Piraniya cîhanê wargehên Îsraîlî li Şerîaya Rojava li gorî zagonên navneteweyî yên di derbarê dagirkirina leşkerî de nezagonî dibînin.
Lê Îsraîl red dike ku girtina wargehan nezagonî ne û gelek Îsraîlî alîgirê tevlêbûna Şerîaya Rojava ne.
Filistînî dixwaza dewleteke serbixwe dikin
Filistînî dixwazin dewleteke serbixwe ava bikin ku ji Şerîaya Rojava, Şerîda Xezeyê û Orşelîma Rojhilat pêk were.
Serokê Amerîkayê Donald Trump, piştgirekî tund ê Îsraîlê ye, gotiye ku ew li dijî girêdana Şerîaya Rojava ji aliyê Îsraîlê ve ye.
Rêxistinên Mafên Mirovan dibêjin ji dema ku Trump hatiye ser desthilatê ve rêveberiya wî ji bo rawestandina çalakiyên avakirina wargehan, tu gav neavêtine.
sefareta Amerîkayê li Orşelîmê di posteke li ser X`ê de got ku wekî beşek ji hewildanên xwe gihandina hemû Amerîkiyên li derveyî welêt, wê karmendên sefaretê roja înê, 27'ê sibatê, li Efratê xizmetên pasaportê yên rûtîn dabîn bikin.
Hefteya borî, kabîneya Îsraîlê tedbîrên ji bo xurtkirina kontrola li ser Şerîaya Rojava û hêsankirina kirîna erdê ji hêla niştecihan ve pejirand, ev gav ji alîyê Filistîniyan ve wekî "îlhaka de facto" hate binavkirin.
Beşên mezin ên Şerîaya Rojava di bin kontrola leşkerî ya Îsraîlê de ne.
Bi deh hezaran Amerîkî li Şerîaya Rojava dijîn.
Şerîaya Rojava 5 hezar kîlometereçargoşe dirêj dibe ku bi qasî ji sedî 21'ê rûbera welêt pêk tîne.
Ji dema dagirkirina wê ji aliyê Îsraîlê ve di sala 1967'an de, Şerîaya Rojava bûye qadeke pevçûnên berdewam.
Bi dehê salane, Şerîaya Rojava, bi bajar, gund û kampên penaberan re, bûye qada şer û qonaxek ji bo veguherînên siyasî û leşkerî ku bingeha pirsa Filistînê axa kê ye rûdane.
Şerîaya Rojava ji 11 parêzgehan û bi dehan bajarok û gundan pêk tê.
Ew ji rojhilat ve bi Çemê Urdunê û Deryaya Misrî û ji rojava ve bi Xeta Kesk ve tê sînordarkirin ku wê ji axên ku di sala 1948'an de hatine dagirkirin vediqetîne.
Zêdetirî 500 hezar niştecihên Îsraîlî li Şerîaya Rojava dijîn, her wiha sê milyon Filistînî jî lê dijîn.
