Aloziya leşkerî ya navbera Pakistan û Efxanistanê gihîşt asteke bilind. Balafirên şer ên Pakistanê, di berbanga aibeha 21'ê Îlona 2026'an de herêmên sivîl ên li eyaleta Kunar û Paktika yên Efxanistanê bombardûman kirin. Rêveberiya Talîbanê ev êriş bi tundî şermezar kir.
Li navçeya Nurgalê ya eyaleta Kunarê, di encama bombardûmana li ser maleke sivîlan de 3 endamên heman malbatê jiyana xwe ji dest dan û 4 kes jî birîndar bûn. Li eyaleta Paktikayê jî ziyanên madî çêbûn. Piştî êrişên hewayî, li ser xeta sînor di navbera hêzên Talîbanê û artêşa Pakistanê de pevçûnên çekdarî dest pê kirin.
Ev operasyon wekî bersivekê li dijî êrişa roja Înê ya li ser navendeke polîsan a li Pakistanê tê dîtin ku tê de 31 kes hatibûn kuştin. Pakistan îdîa dike ku Efxanistan stargehê dide çekdarên Talîbaanê, lê Talîban van tawanbariyan red dike.
